10 გასათვალისწინებელი ფაქტორი სახლის კარის შერჩევისას

სახლისთვის კარის შერჩევა საკმაოდ საპასუხისმგებლო პროცესია. ამ შემთხვევაში  არა მხოლოდ ვიზუალურ მხარეს ექცევა ყურადღება, არანაკლებ გასათვალისწინებელია უსაფრთხოების, გამძლეობის, ხმისა და თბოიზოლაციის ფაქტორები. 

სექტორი პროდუქციის ფართო არჩევანს გთავაზობთ, სადაც აუცილებლად იპოვით თქვენთვის სასურველი მასალის, დიზაინისა და ზომის კარს. ჩვენი გამორჩეული და მაღალი ხარისხის კარები სიმყუდროვის შექმნაში დაგეხმარებათ. ყოველი მათგანი განსხვავებული და განსაკუთრებულია, რაც თქვენს სივრცეს კიდევ უფრო მომნუსხველს გახდის. 

მასალა

როცა საქმე გარე კარის არჩევაზე მიდგება, როგორც წესი, უპირატესობას ხის ან მეტალის კარს ანიჭებენ. ორივე მათგანს თავისი დადებითი და უარყოფითი მხარეები აქვს. 

სახლი სწორედ ის ადგილია, სადაც თავს ყველაზე მშვიდად და კომფორტულად უნდა გრძნობდეთ. ხის კარი მყუდრო ატმოსფეროს შეგიქმნით. ის თქვენს ყოველდღიურობაში ჰარმონიას შემოიტანს, თუმცა მეორე მხრივ, გასათვალისწინებელია, რომ მისი მოვლა გაცილებით რთულია, ვიდრე მეტალის კარების და მეტ მოფრთხილებასაც საჭიროებს.

რაც შეეხება მეტალის კარებს, ისინი გამძლეობით გამოირჩევა და მათი შერჩევა სხვადასხვა ფერსა და დიზაინშია შესაძლებელი. მეტალის კარებზე ზრუნვა გაცილებით ნაკლებ ძალისხმევას მოითხოვს. პრაქტიკული თვალსაზრისით, მეტალის გარე კარი უკონკურენტო ალტერნატივაა. 

უსაფრთხოება

კარის მთავარი დანიშნულება უსაფრთხოების უზრუნველყოფაა. იმისათვის, რომ სახლში თავი დაცულად იგრძნოთ, მნიშვნელოვანია, კარი შესაბამისი საკეტით იყოს აღჭურვილი და მყარი ჩარჩო ჰქონდეს.  

თქვენი უსაფრთხოების გასაძლიერებლად საკეტები და სახელურები სექტორზე შეგიძლიათ შეიძინოთ. იზრუნეთ ოჯახის წევრებზე და დაიზღვიეთ თავი უსიამოვნო სიურპრიზებისგან. 

ხმისა და თბოიზოლაცია

არასასურველი სტუმრების გარდა, კარმა სიცივისა და დისკომფორტისგანაც უნდა დაგიცვათ. ამისათვის საჭიროა ისეთი მასალისა და წარმოების პროდუქტი შეარჩიოთ, რომ ოთახში ტემპერატურის შენარჩუნება მარტივად შეძლოთ. ასევე სასურველია, რომ შენობის შიგნით ხმაურმაც ვერ შემოაღწიოს. ეს ფაქტორი განსაკუთრებით ღამის საათებშია გასათვალისწინებელი, რათა გარედან შემოსულმა ბგერითმა ტალღებმა თქვენი სიმყუდროვე არ დაარღვიოს და ძილი არ დაგიფრთხოთ. 

დიზაინი

ერთ-ერთი ყველაზე მნიშვნელოვანი ფაქტორი, რომელსაც მომხმარებელთა უმეტესი ნაწილი ყველაზე დიდ ყურადღებას უთმობს, ვიზუალური ფაქტორია. ეს გასაკვირი არცაა. კარი მთელი სახლის ინტერიერში შეიძლება ითქვას, რომ გადამწყვეტ როლს ასრულებს. შესაბამისად სასურველი დიზაინის კარგად შერჩევაზე ბევრი რამ არის დამოკიდებული. იმის მიხედვით, თუ რა სტილშია თქვენი საცხოვრებელი გადაწყვეტილი, სხვადასხვა ფერის, ზომისა და დიზაინის მოდელი შეგიძლიათ შეარჩიოთ. 

შეუხამეთ კარი კედლების ფერს, ოთახის ზომას, ლამინატის სტრუქტურასა და გარე დიზაინს. თუკი სახლში ფანჯრები უკვე ჩასმული გაქვთ, არც ფანჯრის ჩარჩოების სპეციფიკის გათვალისწინება გამოგრჩეთ. 

გამძლეობა

როგორც უკვე ვახსენეთ, კარის გამძლეობას მისი დანიშნულებიდან გამომდინარე საკმაოდ დიდი მნიშვნელობა აქვს. ამიტომ სასურველია, მყარი და მტკიცე მასალის ინვენტარი შეიძინოთ. სექტორზე განთავსებული კარების ზედაპირები PVC-ით არის დაფარული, რაც ცვეთამედეგობასა და ნესტგამძლეობას განაპირობებს. ხარისხიანი მასალა შემდგომში დამატებითი ხარჯების გაღებას აგარიდებთ თავიდან. 

ზომები

სტანდარტული ზომის კარი შესაძლოა, თქვენი თაღის ზომებს არ მოერგოს. ამიტომ გირჩევთ წინასწარ გათვალოთ რა ზომის კარი გჭირდებათ. თავის დაზღვევისა და სიზუსტის დაცვის მიზნით, შეგიძლიათ, დახმარება პროფესიონალებსაც სთხოვოთ, რომლებიც ამ საქმეს თქვენ მაგივრად იოლად შეასრულებენ. 

ხარჯები

წინასწარ განსაზღვრეთ ბიუჯეტი, რომელშიც გსურთ, რომ ჩაეტიოთ. გაითვალისწინეთ დამონტაჟების, ტრანსპორტირებისა და ხელობის დანახარჯები. გადაავლეთ თვალი ბაზარზე არსებულ ფასებს და შეარჩიეთ თქვენთვის ყველაზე მისაღები ალტერნატივა სასურველი ფასის ფარგლებში. გაითვალისწინეთ ის ფაქტორიც, რომ ხარისხიანი, გამძლე და უსაფრთხო ინვენტარის შესაძენად შესაძლოა ღირდეს დაგეგმილზე მეტი თანხის გამოყოფა. 

დამონტაჟება

საჭირო ხელსაწყოებისა და სათანადო უნარ-ჩვევების ქონის შემთხვევაში, შესაძლოა, კარის დამონტაჟება თავადაც შეძლოთ, თუმცა ამ დავალებას დაქირავებული მუშახელიც შესანიშნავად გაართმევს თავს. პროფესიონალის დახმარება შრომას შეგიმსუბუქებთ. 

დანიშნულება

შეძენამდე მხედველობაში გქონდეთ კარის დანიშნულებაც. იმის მიხედვით, გარე კარის ყიდვა გსურთ, თუ ოთახისთვის გინდათ მისი შერჩევა, განსხვავებული დეტალების გათვალისწინება მოგიწევთ. შიდა კარის არჩევის შემთხვევაში, გაითვალისწინეთ ოთახის ფუნქცია. საძინებელს და აბაზანას სხვადასხვა ტიპის კარი შეიძლება შეუხამოთ. აბაზანისთვის ნესტგამძლე, უფრო მტკიცე მასალის კარი დაგჭირდებათ, საძინებლის შემთხვევაში კი ვიზუალურ მხარეს შეიძლება მიანიჭოთ უპირატესობა. 

გარე ფაქტორები

ზემოთ ჩამოთვლილი ფაქტორების გარდა, არ დაგავიწყდეთ გაითვალისწინოთ კლიმატი და ბუნებრივი პირობები. გარე ფაქტორები დიდ გავლენას ახდენს ინტერიერის მოწყობაზე. სხვადასხვა პირობებში განსხვავებული მასალისა და მახასიათებლების ინვენტარია ოპტიმალური. ამ ფაქტორების გათვალისწინება თქვენს კომფორტს უზრუნველყოფს. 

შეჯამება

კარგად დაფიქრდით, რა ფაქტორებს ანიჭებთ უპირატესობას, გაითვალისწინეთ გარემო პირობები, შეისწავლეთ ბაზარზე არსებული ფასები და განსაზღვრეთ კონკრეტული ბიუჯეტი. ჩვენი რჩევები აუცილებლად დაგეხმარებათ სასურველი დიზაინის, ზომის, გამძლე და მტკიცე მასალის კარის შერჩევაში. 

თუ კართან ერთად კარნიზებისა და ზღურბლის ყიდვასაც გადაწყვეტთ, გახსოვდეთ, რომ სექტორზე ყველა საჭირო პროდუქტი ერთ სივრცეშია მოქცეული და სასურველ ნივთს სწრაფად და მარტივად მიიღებთ.