10 ფაქტორი, რომელიც სანტექნიკის მონტაჟის დროს უნდა გაითვალისწინოთ

სანტექნიკის მონტაჟი სამშენებლო და სარემონტო პროექტების მნიშვნელოვანი კომპონენტია. იმისათვის, რომ სამუშაოები ხარისხიანად შესრულდეს და გრძელვადიან პერსპეტრივაში პრობლემა არ შეგექმნათ, რამდენიმე საკითხი უნდა გაითავლისწინოთ. ამ ბლოგში სწორედ იმ ძირითად ათ ფაქტორს განვიხილავთ, რომელიც სანტექნიკის სამუშაოებისთვის წინასწარ შეგამზადებთ.

1. მოწყობილობების შერჩევა

როდესაც სანტექნიკის მონტაჟს ეხება საქმე, პირველი, რაც აუცილებლად უნდა გაითვალისწინოთ, სწორი მასალების შერჩევაა. არჩევანი გააკეთეთ ისეთ მოწყობილობებზე, რომელიც შეეფერება არა მხოლოდ თქვენს ესთეტიკურ პრეფერენციებს, არამედ შესაბამისია წყლის წნევისთვისა და ადგილმდებარეობისთვის. 

2. ბიუჯეტის დაგეგმვა

სანამ სანტექნიკის მოწყობილობების შეძენას გადაწყვეტთ, ეცადეთ, წინასწარ გათვალოთ ბიუჯეტი. გაითვალისწინეთ ისიც, რომ თანხა გადადოთ დაუგეგმავი ხარჯებისთვისაც.

3. მასალების მნიშვნელობა

იმისათვის, რომ თავიდან აიცილოთ გართულებები და სისტემამ გამართულად იმუშაოს, ხარისხიან მასალასა და პროდუქციაზე გააკეთეთ არჩევანი. სანტექნიკის შეძენისას თანხების დაზოგვას არ გირჩევთ, რადგან უხარისხო მასალა შემდგომში ისეთ პრობლემებს შეგიქმნით, რომლის მოგვარებაც უფრო ძვირი დაგიჯდებათ. შეარჩიეთ შედარებით გამძლე და უჟანგავი მასალა.

4. ზომა და თავსებადობა

სანტექნიკის მოწყობილობების შეძენამდე დარწმუნდით, რომ ყველაფერი შეესაბამებოდეს სანტექნიკის სისტემების ზომებს. შეუსაბამობამ შეიძლება წყლის წნევის შემცირება გამოიწვიოს, ამიტომ ყურადღება მიაქციეთ თავსებადობას.

5. გოფრირებული მილები

გოფრირებული მილები სანტექნიკის სამუშაოების განუყოფელი ნაწილია, თუმცა გაითვალისწინეთ, რომ ისინიც განსხვავდება ზომებითა და სხვა მახასიათებლებით, ამიტომ შეიძინეთ თქვენი სახლის შესაბამისი. გოფრირებული მილები დრეკადია და შესანიშნავია ვიწრო სივრცეებისთვის.

6. სითხის თავსებადობა

აუცილებლად შეამოწმეთ, არის თუ არა თქვენ მიერ შერჩეული სანტექნიკის მოწყობილებები სითხესთან თავსებადი. წყალი შეიძლება იყოს გაფილტრული ან გაუფილტრავი და თუ მასალას სწორად არ შეარჩევთ, შეიძლება კონკტერული ნივთიერებების წყალთან ურთიერთქმედებამ კოროზია ან დაბინძურება გამოიწვიოს.

7. გარანტია

სანტექნიკის მასალების შეძენისას ერთ-ერთი მნიშვნელოვანი ფაქტორია გარანტია. მოძებნეთ მოწყობილობები, რომლებსაც მწარმოებლის გარანტია მოყვება. ამ შემთხვევაში დარწმუნდებული იქნებით, რომ დაცული ხართ დეფექტებისა და გაუმართაობისგან. დაინტერესდით იმითაც, რომ საჭიროების შემთხვევაში შეგიცვლიან შეძენილ ნივთს და შემდეგ მოახდინეთ ანგარიშსწორება.

8. პროფესიონალი მემონტაჟის დაქირავება

იქიდან  გამომდინარე, რომ სანტექნიკის სამუშაოების შესრულება საპასუხისმგებლო საქმეა, შეარჩიეთ პროფესიონალი მემონტაჟე, რომელიც უშეცდომოდ გააკეთებს თავის საქმეს. გაარკვიეთ მისი გამოცდილება და თქვენი მოთხოვნების დაკმაყოფილების შემთხვევაში გააფორმეთ ხელშეკრულება, სადაც გაწერილი იქნება მონტაჟის დასრულების ვადები.

9. მეზობლების ინფორმირება

თქვენი მხრიდან თავაზიანი ჟესტი იქნება, თუ თქვენს მეზობლებს სამუშაოების დაწყებამდე წინასწარ გააფრთხილებთ. უმჯობესია, თუ სამუშაოები 09:00-18:00 საათების შუალედში შესრულდება, როდესაც ადამიანთა უმეტესობა სამსაუხრშია. ასევე, გირჩევთ, რომ მოერიდოთ ხმაურიან სამუშაოებს შაბათ-კვირას. 

10. მოვლის რუტინა 

სანტექნიკის დამონტაჟების შემდეგ, შეადგინეთ რეგულარული მოვლის რუტინა. ხშირად შეამოწმეთ მოწყობილობები და არ გამოგრჩეთ წყლის გაჟონვისა და  დაზიანების ნიშნები. პრობლემის საწყის ეტაპზე აღმოჩენა ბევრ გართულებას აგარიდებთ თავიდან.

სანტექნიკის მონტაჟი სიფრთხილესა და დეტალებზე ყურადღების გამახვილებას მოითხოვს. ამ ბლოგში განხილული ათი ფაქტორიდან თითოეული თანაბრად მნიშვნელოვანია. ზემოთ ჩამოთვლილი რჩევები დაგეხმარებათ შექმნათ სანტექნიკის სისტემა, რომელიც საიმედო იქნება და გაუძლებს დროის გამოცდასაც.