როგორ შეუთავსოთ ლამინატი ოთახის ინტერიერს?

დღესდღეობით ლამინირებული იატაკი დიდი პოპულარობით სარგებლობს. თუ თქვენც იმ ადამიანების რიცხვს მიეკუთვნებით, რომლებიც არჩევანს გამძლე და მარტივად მოსავლელ დიზაინზე აკეთებენ და ამავდროულად ვიზუალურ ფაქტორსაც დიდ მნიშვნელობას ანიჭებენ, მაშინ ეს სტატია თქვენთვისაა. 

ოთახის ინტერიერის მოწყობაში ლამინატის სწორად შერჩევას დიდი მნიშვნელობა ენიჭება. სურვილისამებრ, ის შეგიძლიათ თქვენი ინტერიერის განმსაზღვრელ ძირითად დეტალად აქციოთ, ან მისი სივრცესთან შერწყმით ერთიანი, ჰარმონიული გარემო შექმნათ. 

იმისთვის, რომ ლამინატი ოთახის ინტერიერს შეუხამოთ, რამდენიმე ფაქტორია გასათვალისწინებელი. გირჩევთ, ყურადღება მიაქციოთ ოთახის დანიშნულებას, ზომას, განათებას, ფერთა შეხამებასა და ლამინატის დიზაინს. 

ოთახის დანიშნულება

ლამინატის შეძენისას გახსოვდეთ, რომ სხვადასხვა ოთახს თავისი დანიშნულების მიხედვით განსხვავებული სპეციფიკა აქვს. ეს მეტად განსაზღვრავს დიზაინის სტილს და თავადვე გკარნახობთ ფერთა პალიტრას. მაგალითად, საძინებელში, სადაც დასვენება და სიმშვიდე გჭირდებათ, უმჯობესია, თუ თბილ და მუქ ფერებს გამოიყენებთ. ამის საპირისპიროდ, სამუშაო კუთხისთვის ნათელი ფერებია უპირატესი, რათა გამოგაფხიზლოთ და პოზიტიურად განგაწყოთ. სავარაუდოდ, ღია ფერებისკენ გადაიხრებით სამზარეულოშიც და ბაც ტონალობაში გადაწყვეტილი ლამინატი სუფთა ატმოსფეროს შეგიქმნით. 

ოთახის ზომა

ერთ-ერთი უმნიშვნელოვანესი ფაქტორი, რომელიც ინტერიერის მოწყობისას ლამინატის შერჩევასთანაა დაკავშირებული, ოთახის ზომაა. მცირე ზომის ოთახში ღია ფერის ლამინირებული იატაკი სივრცეს უფრო ფართოსა და თავისუფალს აჩენს. მაშინ, როცა დიდ ოთახში მუქ ტონებს სიმყუდროვის განცდა შემოაქვს და შესვლისას სტუმარი ნაკლებად ითრგუნება. 

განათება

ლამინირებული იატაკის ელფერზე მნიშვნელოვნად შეიძლება იმოქმედოს ოთახის ბუნებრივმა განათებამ. 

ოთახში, სადაც მზის სხივები შეზღუდული რაოდენობით აღწევს, ნათელ ფერებში მოპირკეთებული იატაკი სანათებიდან სინათლეს აირეკლავს და ინტერიერში მეტი განათება შემოაქვს. ბუნებრივი განათებით მდიდარ შენობებს კი დაბურული ტონები ელეგანტურობას სძენს და სივრცეს უკეთ წარმოაჩენს. 

ხელოვნური განათების ტიპები

თუკი თავად გსურთ ხელოვნური განათების დახმარებით შუქ-ჩრდილებით თამაში, ინტერიერის გასანათებლად რამდენიმე ტიპის განათება შეგიძლიათ გამოიყენოთ:

• ამბიენტური განათება
• კონკრეტული განათება
• აქცენტური განათება

ინტერიერის განათებისთვის ყველაზე ხშირად ამბიენტურ განათებას იყენებენ. ამისთვის ჭაღები და სანათები დაგჭირდებათ. ამბიენტური განათების შედეგად შუქი ოთახის ყველა კუთხეში თანაბრად ნაწილდება. განათების ეს ტიპი აქტუალურია სამზარეულოში, სასტუმრო ოთახში - იმ ადგილებში, რომლებშიც მნიშვნელოვანია სინათლის თანაბარი განაწილება. 

ამბიენტური განათებისგან განსხვავებით, კონკრეტული და აქცენტური განათება სპეციფიკურ არეალზე კონცენტრირდება. კონკრეტული განათება კითხვისას, მუშაობაში, ან ნებისმიერი ტიპის საქმიანობისას გამოგადგებათ.  

აქცენტური განათება აქცენტს მცირე დეტალების ყურადღების ცენტრში მოქცევისთვის არის საუკეთესო არჩევანი. თუ გსურთ თქვენს ინტერიერში აქცენტი კონკრეტულ მონაკვეთზე გააკეთოთ, მაშინ უდავოდ განათების ეს ტიპი უნდა აირჩიოთ. 

ამბიენტური და აქცენტური განათების მიღწევა სანათების დახმარებით არის შესაძლებელი. 

თუ სახლის დიზაინისთვის განათების შერჩევას გადაწყვეტთ, სექტორზე შეგიძლიათ შეიძინოთ განათების საშუალებები, როგორიცაა ელექტრო აქსესუარები, სანათები, ფანარი, ბრა, დიოდის პანელი, ტორშერი და ა.შ.

ფერთა შეხამება

იმისათვის, რომ ინტერიერის შემადგენელი კომპონენტები დანაწევრებული არ იყოს და დეტალები ერთიანობას ქმნიდნენ, ლამინირებული პარკეტის ფერები კედლებს, ჭერსა და ავეჯს უნდა ეხამებოდეს. 

იატაკის დიზაინი ოთახში ხშირად გამეორებული ფერების მიხედვით შეარჩიეთ. თბილი ფერების შემთხვევაში სასურველია იატაკთან მიმართებაშიც ანალოგიური თბილი ტონები გაიმეოროთ, ცივის შემთხვევაში - ცივი. 

ლამინატის დიზაინი

გარდა ფერისა, მნიშვნელოვანია ლამინატის დეკორის ფრთხილად შერჩევაც. ეს დიდ გავლენას ახდენს ოთახის აღქმაზე და სივრცის განმსაზღვრელი მნიშვნელოვანი მახასიათებელია. 

დაფიქრდით და გადაწყვიტეთ, მოდერნული დიზაინი გსურთ თუ ტრადიციულ, კლასიკურ ინტერიერს ანიჭებთ უპირატესობას? თქვენი არჩევანის მიხედვით შეგიძლიათ მასზე მორგებული დეკორის ლამინირებული ფილები შეიძინოთ და გარემო კიდევ უფრო გაამრავალფეროვნოთ. 

ლამინატის ხარისხი

ვიზუალური ფაქტორების გარდა, ცხადია, თავად ლამინატის ხარისხი და გამძლეობაც არანაკლებ მნიშვნელოვანი კრიტერიუმებია. დაბალხარისხიანი ფილები მალევე იცვითება და ამის გამო განახლებაზე დამატებითი ხარჯების გაღება მოგიწევთ. 

გამძლეობის მიხედვით ლამინირებული იატაკის რამდენიმე ტიპი არსებობს. ლამინატის შეძენამდე შეგიძლიათ ეს ფაქტორიც გაითვალისწინოთ. მაგალითად, თუ ოთხფეხა მეგობრები გყავთ ნაკაწრებისგან თავის დასაცავად გირჩევთ მაღალი გამძლეობის ფილები დააგოთ. 

როგორც წესი, მომხმარებლები თავს იკავებენ სამზარეულოსა და სააბაზანოში ლამინატის გამოყენებისგან, რადგან ის წყალგამძლეობით არ გამოირჩევა, თუმცა სურვილის შემთხვევაში შესაძლებელია ისეთი მოდელის არჩევაც, რომელიც მეტად ამტანია დანესტიანების მიმართ. 

შეჯამება

სწორად შერჩეული ლამინირებული იატაკი, რომელიც ოთახის ინტერიერთან თანხვედრაშია, თქვენს საცხოვრებელში სასურველი ატმოსფეროს შექმნაში დაგეხმარებათ. მიზნის მისაღწევად გირჩევთ, რომ ჩვენს რეკომენდაციებს გულდასმით მიჰყვეთ.

პირველ რიგში მხედველობაში გქონდეთ იმ ოთახის ფუნქცია, რომელშიც ლამინატის დაგება გსურთ. დაფიქრდით, როგორი გარემო გჭირდებათ თქვენი კომფორტის შექმნისთვის. გაითვალისწინეთ ოთახის ზომები და განათება. ინტერიერი რომ ზედმეტად არ გადაიტვირთოს და ოთახში ჰარმონია შეინარჩუნოთ, ფილების ფერები და დიზაინი დანარჩენი დეტალების ტონებს შეუხამეთ. 

თუ სარემონტო სამუშაოების დაწყებას გეგმავთ, შეგიძლიათ სექტორის ვებსაიტს ეწვიოთ, სადაც საჭირო ხელსაწყოების ფართო არჩევანს შეხვდებით. საიტზე ხელმისაწვდომია როგორც ელექტრული ტექნიკა (პერფერატორი, ელექტრო შესადუღებელი, კუთხსახეხი, 

დამბერი, ხრახნდამჭერი და სხვა) ისე წვრილმანი ატრიბუტები ( ბრტყელტუჩა, ქანჩი, მილის საჭრელი მაკრატელი)