პლინტუსის შერჩევის 5 ძირითადი კრიტერიუმი

სახლის რემონტისას ბევრი ჩვენგანი ნაკლებ ყურადღებას უთმობს ერთი შეხედვით წვრილმანი ნივთებსა და მასალებს. სინამდვილეში, სახლის ინტერიერისთვის ისეთივე მნიშვნელოვანია ასეთი დეტალები, როგორც ავეჯი, კედლები, იატაკი და სხვ. დღეს სწორედ ინტერიერის ერთ-ერთ მნიშვნელოვან ნაწილზე, პლინტუსებსა და მათი შერჩევის კრიტერიუმებზე მოგიყვებით. 

მასალა და გამძლეობა

პირველი და, ალბათ, ყველაზე მნიშვნელოვანი ფაქტორი პლინტუსის შერჩევისას მასალა და, შესაბამისად, გამძლეობაა. მასალას დიდი მნიშვნელობა იმიტომ ენიჭება, რომ მასზეა დამოკიდებული, რამდენად გაუძლებს პლინტუსი ნესტს, სისველეს, სხვადასხვა ტიპის დაზიანებას და, შესაბამისად, რამდენ ხანს გაძლებს შეკეთების გარეშე. ხშირად როცა ასეთი პრობლემა იჩენს თავს ჩვენს სახლებში, მისი შეკეთებისთვის დროის გამოყოფა გვენანება. ამიტომ მნიშვნელოვანია, თქვენ მიერ შერჩეული პლინტუსი გამძლე და მყარი იყოს, რომ მისი გამოცვლა დიდ ხანს არ დაგჭირდეთ. 

სტილი და დიზაინი

ინტერიერზე სულ მცირე დეტალებიც დიდ გავლენას ახდენს, რადგან ისინი ერთიანობის ნაწილი არის. ამიტომ, პლინტუსის შერჩევისას მისი სტილი და დიზაინიც უნდა შეაფასოთ, რომ სახლის დანარჩენ ნაწილიდან არა თუ ამოვარდნილი არ იყოს, არამედ ავსებდეს და დამატებით ესთეტიკურ ღირებულებასაც აძლევდეს მას. თავდაპირველად, კარგად შეაფასეთ, რომელი სტილისკენ იხრება თქვენი ინტერიერი, შემდეგ კი მისი შესაფერისი პლინტუსი შეარჩიეთ. პლინტუსების არჩევანი საკმაოდ ფართოა და არსებობს როგორც მარტივი, მინიმალისტური, ისე ტრადიციული და ორნამენტებით გაფორმებული. 

სიმაღლე და სხვა პროპორციები

სახლისთვის ნებისმიერი დეტალის შერჩევისას ოთახის პროპორციები უნდა გავითვალისწინოთ და არც პლინტუსია ამ კუთხით გამონაკლისი. არსებობს სხვადასხვა სიმაღლის პლინტუსები. როგორც წესი, შედარებით მაღალ პლინტუსებს ის ადამიანები ანიჭებენ უპირატესობას, რომლებსაც სახლში უფრო ფორმალური, კლასიკური და ელეგანტური ატმოსფეროს შექმნა სურთ; ხოლო დაბალი პლინტუსები მინიმალისტური და თანამედროვე ინტერიერის მოყვარულებისთვისაა. გაითვალისწინეთ, რომ პლინტუსის სიმაღლე პირდაპირ განსაზღვრავს ოთახის ვიზუალს, შესაბამისად, მნიშვნელოვანია, კედელთან სწორი პროპორციები იქმნებოდეს.  

მოვლა

პლინტუსის მასალის, დიზაინის და პროპორციების შერჩევა ერთია, მისი მოვლა - მეორე. პლინტუსი საკმარისად ხარისხიანი და გამძლე უნდა იყოს იმისთვის, რომ მის მოსავლელად, გასასუფთავებლად, შესაკეთებლად დიდი დროის დახარჯვა არ მოგიწიოთ. თუ სახლში შინაური ცხოველი ან ბავშვები გყავთ, ისეთი შეარჩიეთ, რომელიც მარტივად იწმინდება და წვრილმანი დაზიანებების მიმართ მდგრადია. ისიც უნდა გავითვალისწინოთ, თუ რამდენად რთულია ამა თუ იმ პლინტუსის დაყენება, ზოგიერთი მათგანი სპეციალური გამოცდილების ხელოსანმა უნდა დააყენოს, სხვები კი თავადაც შეგიძლიათ გამართოთ. 

ფასი

რა თქმა უნდა, პლინტუსის შერჩევისას, ისევე, როგორც სახლის სხვა ნებისმიერი დეტალისას, ბიუჯეტი ჩვენთვის გადამწყვეტი კრიტერიუმია. კარგი ისაა, რომ პლინტუსები თითქმის ყველანაირი ბიუჯეტისთვის არსებობს. ფასი დამოკიდებულია ისეთ მახასიათებლებზე, როგორიცაა მასალა, სტილი, ხარისხი და სხვ. კარგი იქნება, თუ გონებაში წინასწარ განსაზღვრავთ, რამდენის დახარჯვა გიღირთ პლინტუსებზე, შემდეგ კი თქვენი ფინანსური შესაძლებლობების გათვალისწინებით მარტივად შეძლებთ სასურველის შერჩევას. 

შეჯამება

როგორც ვნახეთ, ერთი შეხედვით ისეთი წვრილმანი დეტალის შერჩევისას, როგორიც პლინტუსია, ბევრი ფაქტორია გასათვალისწინებელი. თითოეული მათგანი მნიშვნელოვან გავლენას ახდენს ჩვენს გადაწყვეტილებაზე და ასეც უნდა იყოს. იმედია, ჩვენ მიერ შეგროვებული კრიტერიუმების ერთიანობა სამომავლოდ პლინტუსის შერჩევაში დაგეხმარებათ.