როგორ მოვაწყოთ სათავსო აბაზანაში?

დაგღალა შენს აბაზანაში  უწესრიგობამ? გიჭირს დილაობით ქაოსში ნივთების პოვნა? მაშინ ეს ბლოგი შენთვისაა. ჩვენი რჩევები სააბაზანოში სათავსოს მოწყობაში დაგეხმარება. გასწავლით, როგორ უნდა მიუჩინო ყველაფერს თავისი ადგილი. 

სანამ სათავსოს მოაწყობ

სანამ სათავსოს მოწყობაზე გადახვიდოდე, პირველ რიგში, უნდა დაფიქრდე, როგორ შეიძლება შენს სააბაზანოში სივრცე ოპტიმალურად აითვისო. რისთვის გჭირდება სათავსოს გამოყოფა? მას შემდეგ, რაც ამ კითხვებზე პასუხებს იპოვი, ოთახის ორგანიზებაც გაგიმარტივდება.  

გაითვალისწინე ოთახის ზომა

სათავსოს მოწყობისას პირველი მნიშვნელოვანი ფაქტორი, რომელიც უნდა გაითვალისწინო, ოთახის ზომაა. დაფიქრდი, რამხელა სივრცე გაქვს და როგორ შეიძლება მასში თაროების გადანაწილება. 

იმ შემთხვევაში, თუ შენი სააბაზანო მცირე ზომისაა, უმჯობესია, ნივთები კომპაქტურად დააწყო. შეარჩიე ისეთი აბაზანის თაროები, რომლებიც ამის საშუალებას მოგცემს. ასეთ დროს საუკეთესო და ყველაზე პოპულარული არჩევანი მრავალსექციიანი კუთხის თაროა. ამ ტიპის თაროებს სექტორზე შეხვდები. 

დაფიქრდი, რისთვის გჭირდება სათავსო

იმისთვის, რომ თაროები და საკიდები დანიშნულების მიხედვით სწორად შეარჩიო, მნიშვნელოვანია, კარგად დაფიქრდე, რა ტიპის ნივთებს ინახავ აბაზანაში და რისთვის გჭირდება სათავსოს მოწყობა. სავარაუდოდ, შენს სიაში მოხვდება ჰიგიენური საშუალებები; თავის მოვლის პროდუქტები; პირსახოცები; მედიკამენტები და ა.შ. დაფიქრდი, სად იქნება საუკეთესო ადგილი მათ მოსათავსებლად, ისე, რომ მათზე ხელი მარტივად მიგიწვდებოდეს.

რა დაბრკოლებებს შეიძლება წააწყდე

კარგად შეისწავლე შენი სააბაზანოს სპეციფიკა. არსებობს, თუ არა რაიმე დამაბრკოლებელი ფაქტორები, რამაც სათავსოს მოწყობაში ხელი შეიძლება შეგიშალოს. სირთულეების გააზრება პრობლემის გადაჭრაში დაგეხმარება. 

გაათავისუფლე ადგილი

ერთ-ერთი ხელის შემშლელი ფაქტორი, შესაძლოა, არასაჭირო ნივთები იყოს. თუ სივიწროვის პრობლემა გაქვს და ოთახში ნივთები აღარ ეტევა, დროა, ადგილის გათავისუფლებაზე დაფიქრდე. პრიორიტეტების მიხედვით, შეგიძლია, მხოლოდ ის ნივთები დატოვო, რომლებსაც სისტემატურად იყენებ და ყოველდღიურობაში გჭირდება. 

ვადაგასული ჰიგიენის საშუალებები და მედიკამენტები გადაყარე, ხოლო ის ნივთები, რომლებსაც აღარ იყენებ და აღარ გჭირდება, შეგიძლია, გააჩუქო. 

შეარჩიე შენზე მორგებული სათავსო

სააბაზანოში სათავსოები ინტერიერთან შეხამებით სხვადასხვანაირად შეიძლება გადაანაწილო. თუ სივრცეში შეზღუდული ხარ, ყველაზე კარგი არჩევანი ჩაშენებული კარადის გაკეთებაა, სადაც სხვადასხვა ტიპის ნივთების, მათ შორის, სარეცხი საშუალებებისა და ჰიგიენური ნივთების დაწყობას შეძლებ. 

აბაზანის თაროები ყველა ტიპის დიზაინს ერგება და თავის მოვლის საშუალებების დასაწყობად იდეალური ვარიანტია. თაროებთან ერთად სექტორზე შეგიძლია შეიძინო სააბაზანოს აქსესუარებიც, როგორიცაა სასაპნე, პირსახოცის საკიდები, აბაზანის ჭიქა და ა.შ. გაეცანი ჩვენს ბლოგს, სადაც გიყვებით 5 აქსესუარზე შენი სააბაზანოს ტრანსფორმაციისთვის. 

პატარა ნივთების შესანახად ხშირად კალათებსაც იყენებენ, რომლებიც კომპაქტურია და ვიზუალურადაც დიდ მოწონებას იმსახურებს. მსგავსი ტიპის სათავსოს დღეს თითქმის ყველა გემოვნებით მოწყობილ სააბაზანოში შეხვდები. 

როგორ შეუხამო სათავსო ინტერიერს

სათავსოს მოწყობისას არც ესთეტიკური მხარე უნდა დაგვავიწყდეს. შენ მიერ შერჩეული აბაზანის თაროები და კარადები დიზაინს უნდა ეხამებოდეს. ამაში შეიძლება ჩვენი ბლოგი დაგეხმაროს, სადაც აბაზანის დიზაინის პოპულარულ ტიპებს განვიხილავთ. ის, თუ რა სტილის სათავსოებს აარჩევ, სრულიად შენს გემოვნებასა და პრეფერენციებზეა დამოკიდებული. კლასიკურ ინტერიერს ელეგანტური თაროები მოუხდება, თანამედროვე დიზაინს კი მინიმალისტური სათავსო შეგიძლია შეუსაბამო. 

როგორ ვიზრუნოთ სააბაზანოზე

იმისთვის, რომ შენს სააბაზანოში წესრიგი შეინარჩუნო, მისი რეგულარულად დალაგება მოგიწევს. პერიოდულად შეამოწმე პროდუქტების ვადა და გამოუსადეგარი ნივთები გადაყარე. ამით ახალი ნივთების შესანახად ადგილი გამოგითავისუფლდება და სათავსო არ გადაიტვირთება. საჭიროებების მიხედვით, შესაძლოა, შემდგომში რაღაცების გადალაგება და შეცვლაც მოგიწიოს. მსგავსი ცვლილებებისთვის ყოველთვის მზად უნდა იყო. თუკი კვირაში ერთხელ სააბაზანოს დასალაგებლად დროს გამოყოფ, ნივთებს აღარ დაკარგავ და დილაობით ძებნაში დრო აღარ დაგეკარგება. 

შეჯამება

აბაზანა ის ადგილია, სადაც წესრიგის შენარჩუნება ყველაზე მნიშვნელოვანია. იმისთვის, რომ მიმობნეულ ნივთებს თავისი ადგილი მიუჩინო, მნიშვნელოვანია, შექმნა სათავსოები. ოთახის ზომის მიხედვით, ინტერიერთან შეხამებით, შეგიძლია, თაროები დაკიდო და შენს სააბაზანოში წესრიგი შეიტანო. ამის გაკეთება არც თუ ისე რთულია. არსებობს კომფორტული, კომპაქტური თაროებისა და კარადების არაერთი ვარიანტი, სადაც შენი თავის მოვლის საშუალებები შეგიძლია დააწყო. ნივთების შესანახად საუკეთესო შესაძლებლობაა კალათები და ყუთები, რომლებიც ვიზუალური მხარითაც გამოირჩევა. 

იმედი გვაქვს, ჩვენი რჩევები კომფორტის მოწყობაში ამჯერადაც დაგეხმარება.